ما اكلك كرهتك

ما اكلك كرهتك بس كدرت انساك
لتحاول بعد وتريد تغريني

كسرت قيود شوكك هسه حر مرتاح
الي دستور وحدي وبي قوانيني

قانوني بعد ما انطي كلبي بساع
هي غلطة وعشتها وضاعت اسنيني

جنت شجرة واظلل حتى عالحطاب
واني اعرف بنيتة يريد يمحيني

جنت طيب الكلب حتى ويه ارده الناس
وطلعت طيبتي ويه الناس تاذيني

صدكت الحجولك ...ها ....سمعنا فلان
واني بعيني أشوف وجذبت عيني

شكد طيب جنت بس اتضح غلطان
جنت كلش مغفل بيك ثاريني

ما اكلك اكرهك لا ابد والله
ولاتضن يوم اكرهك وانت تدريني

جرحك اشكره فززني من الموت
وبس بهاي اكلك انت راضيني

وبس بهاي اكلك انت راضيني