تقبل تحب غيري

عضو نشيط تاريخ التسجيل : 02/04/2010

تقبل تحب غيري

صدك تقبل حبيبي لغيري هسة تصير
وصدك مليت مني وبعد متحبني
وصدك هانت عليك اسنينه الحلوات
وما هانت عليك شلون تتركني
من يمته المذاهب نحسبلها حساب
ومن يمته الطوائف جانت تهمني
أنه لمن عشكتك ما سألت الناس
ولا جنت ادري اصلك شيعي لو سني
شجاك تغيرت وبكلبك انته شصار
جنت تموت بية وجنت تحبني
وجنت اتنفسك وانته الهوه بدنياي
وجنت لو تبتعد لحظات تخنكني
معقولة الورد ينكر جميل الماي
وانته بهالسهولة تنازلت عني
ما أنكر مقصر إجت فترة وياك
لكن مو بدية الوكت يجبرني
شفت يمك نفط وابين اديك الماي
وأنه بناري اشتعل ردتك تخلصني
لكيتك بالعكس مايَك شمرته ابعيد
وجبت النفط بيدك حته تحركني
شسولفلك بعد؟ طعم السوالف راح
ردت منك توافي وخيبت ظني
أدري الوكت هو الخله كلبك هيج
وادري الطائفية الباكتك مني
وقبل لا تبتعد عندي سؤال ارجوك
فكر وية روحك عود جاوبني
باجر لو متت وتشوفني بتابوت
هم تبجي علية وبعد تذكرني

ا الى الأخت منال المحترمه كانت قصيده جميله جدآ ولكن المفروض ان تكتبي بنهاية القصيدة منقوله من منتدى 000000 الخ امتنان

زائر

الى ناشر القصيده كل الود والاحترام ارجو التنويه عن مصدر القصيده والتنويه الى شاعرها الشاعر جبار رشيد حتى تكون حقوق ماينشر محفوظه لاصحابها وهناك مشكله كبيره بهذة القصيده المنشوره فيها اخطاء كثيره في الوزن اي هناك خلل في الموسيقى الشعريه للقصيده وهذا يدل على التلاعب في القصيده وهذه مشكله ارجو مراجعت الموضوع واعطاء كل ذي حق حقه ............ارجو عدم الانزعاج من طرحي وتقبلوا مروري

عضو نشيط تاريخ التسجيل : 06/04/2010

حبيبتي منال الشعر جميل والله عجبني بس كولي المن اذا موانت كاتبته لان ميصير تاخذيه وتخلي باسمك وبعدين انت قريتي منو كاتبلج

» وعشقت غيري...........؟